Qırmızı işıqda əks zolağa çıxan sürücü qarşıdan gələnlərin yolunu kəsdi - VİDEO

Paytaxtın Nizami rayonunda kobud qayda pozan sürücü kameraya düşüb.

Avtosfer.az-ın məlumatına görə, hadisə aprelin 8-də saat 17:26 radələrində qeydə alınıb.

Görüntünü qeydə alan sürücü Qara Qarayev prospektindən sola – Özbəkistan küçəsi istiqamətinə dönmək istəyərkən təhlükəli vəziyyətlə üzləşib. Belə ki, işıqforun qırmızı işığında hərəkəti davam etdirməyə çalışan 99-GQ-585 dövlət nömrə nişanlı “BMW” markalı avtomobilin sürücüsü əks istiqamətli hərəkət zolağına çıxaraq yolayrıcına daxil olmağa cəhd edib.

Nəticədə o, qarşıdan gələn nəqliyyat vasitələrinin hərəkətini kəsərək yolayrıcında sıxlıq yaradıb. Daha sonra çıxılmaz vəziyyətdə qalan sürücü yenidən öz zolağına qayıdaraq yolu açıb.

Qeyd edək ki, yolayrıclarında əks istiqamətli zolağa çıxmaq təkcə qayda pozuntusu deyil, həm də hərəkət axınının tam dayanmasına səbəb olan riskli manevrdir. Belə hallarda bir neçə saniyəlik tələskənlik bütün kəsişmədə nəqliyyatın iflic olmasına gətirib çıxara bilər.

Nərmin