Qırmızı işıqda səhv zolaqdan yolayrıcına girib qəza şəraiti yaratdı - VİDEO

Paytaxtın Xətai rayonunda kobud qayda pozuntusuna yol verən sürücü kameraya düşüb.

Avtosfer.az-ın məlumatına görə, hadisə oktyabrın 6-da saat 14:09 radələrində Qulu Rəfiyev küçəsində qeydə alınıb.

Görüntülərdən aydın olur ki, “BYD” markalı avtomobilin sürücüsü yolayrıcına yaxınlaşarkən yalnız düzünə hərəkətə icazə verilən zolaqdan sola dönüb. Bununla da kifayətlənməyən sürücü işıqforun qırmızı işığında yolayrıcına daxil olaraq görüntünü qeydə alan avtomobil üçün qəza şəraiti yaradıb.

Xatırladaq ki, qanunvericiliyin tələblərinə əsasən, sürücülər yol nişanlarının və nişanlanma xətlərinin göstərişlərinə əməl etməli, svetoforun qadağanedici siqnalında hərəkəti davam etdirməməlidirlər. Bu qaydaların pozulması inzibati məsuliyyət yaradır.

Nərmin