Qırmızıda skuterlə keçiddən keçən oğlan az qala qəza törədəcəkdi - VİDEO

Paytaxtda skuter sürücüsünün qayda pozuntusu kameraya düşüb.

Avtosfer.az-ın məlumatına görə, hadisə oktyabrın 10-da saat 17:53 radələrində qeydə alınıb.

Kadrlardan görünür ki, skuter idarə edən gənc qırmızı işıqda piyada keçidinə daxil olaraq hərəkətini davam etdirib. Bu zaman o, hərəkətdə olan motosiklet sürücüsü üçün qəza şəraiti yaradıb. Motosikletçi piyada keçidindən keçən qadını görərək vaxtında dayandığı üçün onunla toqquşmaqdan son anda qurtulub.

Qeyd edək ki, işıqforun qırmızı işığında yolu keçmək qadağandır. Həmçinin skuter və velosiped sürücüləri piyada keçidindən istifadə edərkən nəqliyyat vasitəsindən düşərək onu əl ilə aparmalıdırlar. Əks halda, onlar yol hərəkəti qaydalarını pozmuş olurlar.

Nərmin