Qoşa xətti heçə sayıb iradı cavabsız qoymayan sürücü CƏZALANDIRILDI - VİDEO

Sabunçu Rayon Polis İdarəsinin Dövlət Yol Polisi Şöbəsindən Avtosfer.az-a bildirilib ki, aparılan araşdırmalar nəticəsində 77-ME-685 dövlət qeydiyyat nişanlı “Ford Transit” markalı avtomobilin sürücüsü Əhmədov İsmət İlqar oğlu müəyyən edilib.

Sürücü barəsində İnzibati Xətalar Məcəlləsinin 327.2-ci maddəsi ilə inzibati protokol tərtib olunub və o, 100 manat məbləğində cərimələnib.

*** 11:30

Paytaxtın Sabunçu rayonu, Zabrat qəsəbəsində kobud qayda pozuntusu qeydə alınıb.

Avtosfer.az-ın məlumatına görə, hadisə sentyabrın 17-də saat 11:58 radələrində baş verib.

Videodan aydın olur ki, 77-ME-685 dövlət qeydiyyat nişanlı “Ford Transit” markalı yük maşınının sürücüsü qoşa xəttin üzərindən geriyə dönərək əks istiqamətli yola çıxıb.

Bu zaman görüntünü qeydə alan avtomobilin sürücü ona irad bildirib. Lakin “Ford Transit”in sürücüsü irada “Sənin nə işinə?” deyə cavab verib.

Xatırladaq ki, yolun hərəkət hissəsində qoşa xəttin tələbini pozaraq əks istiqamətli zolağa keçmək qadağandır. Belə manevrlər qarşıdan gələn nəqliyyat vasitələrinin hərəkəti üçün təhlükə yarada bilər.

Nərmin