Radardan yayınmaq istəyən sürücü hər üç nömrəyə müdaxilə etdi - VİDEO

Nəqliyyat vasitəsinin dövlət qeydiyyat nişanlarına qanunsuz müdaxilə edən sürücünün hərəkətləri kameraya düşüb.

Avtosfer.az xəbər verir ki, hadisə iyunun 28-də Füzuli rayonunda qeydə alınıb. Belə ki, 19-BC-506 dövlət qeydiyyat nişanlı "KamAZ" markalı yük avtomobilinin sürücüsü həm ön, həm də arxa qeydiyyat nişanlarına müdaxilə edərək onların oxunmasını çətinləşdirib.

Görüntülərdən aydın olur ki, sürücü hər iki qeydiyyat nişanının son rəqəminin üzərindən xətt çəkərək onu fərqli rəqəm kimi göstərməyə çalışıb. Bundan əlavə, yük avtomobilinin kuzovunun arxa hissəsində yerləşən təkrarlanan qeydiyyat nişanında da əvvəlindəki "19" rəqəmlərinə müdaxilə edilərək onların oxunması mümkünsüz vəziyyətə salınıb.

Ehtimala görə, bu cür müdaxilənin məqsədi radar və kameraların qeydiyyat nişanını düzgün oxumasının qarşısını almaq və inzibati məsuliyyətdən yayınmağa cəhd etməkdir.

Qeyd edək ki, dövlət qeydiyyat nişanlarının üzərində hər hansı dəyişiklik edilməsi, onların oxunmasını çətinləşdirən vasitələrdən istifadə olunması və ya qəsdən gizlədilməsi qanunvericiliyin tələblərinə ziddir və inzibati məsuliyyət yaradır.

Fərid