Sağdan gələn maşını saymayıb yolayrıcında təhlükə yaratdı – 10-ZZ-777 - VİDEO

Paytaxtın Nizami rayonunda yolayrıcını keçmə qaydasını pozan sürücü kameraya düşüb.

Avtosfer.az-ın məlumatına görə, hadisə oktyabrın 15-də saat 11:52 radələrində Məshəti Gəncəvi və Rüstəm Rüstəmov küçələrinin kəsişməsində qeydə alınıb.

Belə ki, 10-ZZ-777 dövlət nömrə nişanlı “BMW M5” markalı avtomobilin sürücüsü sağdan yolayrıcına daxil olan nəqliyyat vasitəsinə yol vermədən hərəkətini davam etdirib. Nəticədə o, görüntünü qeydə alan avtomobil üçün qəza şəraiti yaradıb.

Xatırladaq ki, yolayrıcı işıqforla tənzimlənmədikdə və üstünlük hüququnu müəyyən edən yol nişanları olmadıqda, eyni əhəmiyyətli yolların kəsişməsində sürücülər sağdan yaxınlaşan nəqliyyat vasitəsinə yol verməlidirlər.

Nərmin