Sədərək yolunda qayda pozan sürücü özündən çıxdı: Hələ qapını açıb… - VİDEO

Sədərək yolunda qaydaları kobud şəkildə pozan sürücü avtomobilin kamerasına düşüb.

Avtosfer.az-a müraciət edən izləyicinin sözlərinə görə, hadisə iyulun 29-da saat 18:35 radələrində baş verib.

Kadrlardan görünür ki, 10-TX-695 dövlət qeydiyyat nişanlı “Opel” markalı avtomobilin sürücüsü hərəkətdə olduğu zolaqdan qəfil sola manevr edərək görüntünü qeydə alan avtomobilin sürücüsü üçün qəza şəraiti yaradıb.

Bununla da kifayətlənməyən sürücü avtomobilin qapısını açaraq digər hərəkət iştirakçısına əl-qol hərəkətləri edib, qışqıraraq etirazını bildirib. Şikayətçinin iddiasına görə, o, nalayiq ifadələr işlədib və “Hə, gəl üstümə dırmaş” deyərək aqressiv davranış nümayiş etdirib.

Daha sonra sürücü yenidən manevr etdiyi hərəkət zolağına qayıdaraq yoluna davam edib.

Nərmin