Şəhərin mərkəzində “hoqqa” verən velosipedçi görün özünə necə haqq qazandırdı - VİDEO

Paytaxtın Səbail rayonu, Neftçilər prospektində qayda pozan velosipedçi görüntülənib.

Avtosfer.az-ın məlumatına görə, hadisə bir neçə gün əvvəl axşam saatlarında qeydə alınıb.

Kadrlardan görünür ki, əks istiqamətli yola çıxan velosipedçi zolaqları kəsərək geriyə dönməyə çalışıb. Bu zaman o, yaxınlaşan motosikletə məhəl qoymadan hərəkətini davam etdirib.

Nəticədə velosipedçi moto sürücünün yolunu kəsərək qəza şəraiti yaradıb.

Təhlükəylə üzləşən sürücü velosipedçiyə “Elə yol keçərlər? Üzərimə sürürsən”, - deyə iradını bildirib.

Velosipedçi isə “Sür işini gör” cavabı verərək törətdiyi xətaya haqq qazandırıb.

Nərmin