Səhlənkar sürücü daşıdığı materialları yola səpərək təhlükə yaratdı - VİDEO

Bakı şəhəri, Üzeyir Hacıbəyov küçəsində yaranmış təhlükəli vəziyyət kameraya düşüb.

Avtosfer.az-ın məlumatına görə, hadisə iyunun 1-də saat 17:28 radələrində qeydə alınıb. Görüntülərdə “Isuzu” markalı yük avtomobilinin daşıdığı tikinti materiallarının bir hissəsinin hərəkət zamanı yola düşdüyü əks olunur.

Bu vəziyyət arxadan gələn avtomobil üçün qəza şəraiti yaradıb. Lakin sürücünün ara məsafəsini düzgün saxlaması nəticəsində düşən yük nəqliyyat vasitəsinə çırpılmayıb və baş verə biləcək qəza aradan qalxıb.

Qeyd edək ki, qanunvericiliyə əsasən, yük daşıyan nəqliyyat vasitələrinin sürücüləri daşınan yüklərin düzgün bərkidilməsini və hərəkət zamanı yola düşməsinin qarşısının alınmasını təmin etməlidirlər. Yükün yük yerindən kənara çıxması, bərkidilmədən daşınması və ya yol hərəkəti üçün təhlükə yaratması inzibati məsuliyyətə səbəb ola bilər.

Nərmin