Son anda sağa dönən sürücü motosikletçiyə təhlükə yaratdı - VİDEO

Bakıda manevr qaydasını pozan sürücü təhlükəli vəziyyət yaradıb. Avtosfer.az xəbər verir ki, hadisə Heydər Əliyev prospektində qeydə alınıb. Belə ki, 77-CF-451 qeydiyyat nişanlı "Opel" markalı avtomobilin sürücüsü sağa dönəcəyini bilsə də sol zolaqla hərəkət edib. O, yolayrıcının düz qarşısında sağa dönərək həm manevr qaydasını pozub, həm də motosiklet sürücüsünə təhlükə yaradıb.

"Yol hərəkəti haqqında" qanunda qeyd olunub ki, sürücü sağa, sola dönməzdən əvvəl həmin istiqamətdə kənar vəziyyət seçməlidir. Bu qayda pozuntusuna görə, sürücü İnzibati Xətalar Məcəlləsinin 327.1-ci maddəsilə 40 manat məbləğində cərimə oluna bilər.

Fərid