Sükan arxasında tum çırtlayıb qabıqlarını yola atdı - 99-OF-554 - VİDEO

Novxanı-Masazır yolunda qayda pozan sürücü kameraya düşüb.

Bu barədə izləyicilərdən biri Avtosfer.az-ın “Instagram” səhifəsinə videogörüntü göndərərək məlumat verib. Hadisə avqustun 7-də saat 16:30 radələrində qeydə alınıb.

Kadrlardan görünür ki, 99-OF-554 dövlət qeydiyyat nişanlı “Toyota Prius” markalı avtomobilin sürücüsü hərəkətdə olarkən tum çırtlayaraq qabıqlarını yola atır.

İzləyicinin sözlərinə görə, sürücü yol boyu tum qabıqlarını asfalta ataraq ətraf mühiti zibilləyib.

Qeyd edək ki, yollara və digər ictimai yerlərə məişət tullantılarının atılması həm ətraf mühitə ziyan vurur, həm də inzibati məsuliyyət yaradır.

Xatırladaq ki, İnzibati Xətalar Məcəlləsinin 352.2-ci maddəsinə əsasən yollara və yol qurğularına tullantı və ya nəqliyyat vasitələrindən bayıra hər hansı əşya atılmasına görə fiziki şəxslər 200 manat məbləğində, vəzifəli şəxslər 1000 manat məbləğində, hüquqi şəxslər isə 4000 manat məbləğində cərimə edilir. 

Nərmin