Sumqayıtda avtobus sürücüləri ilə bağlı şikayət: Kəsişmədə dayanıb sərnişin yığırlar - FOTO - VİDEO

Sumqayıt şəhərində sərnişin avtobuslarının yol kənarında dayanaraq sərnişin mindirib-düşürməsi digər nəqliyyat vasitələrinin hərəkətinə mane olur.

Avtosfer.az xəbər verir ki, bu barədə Oxu.Az-ın qaynar xəttinə şikayət daxil olub.

Şikayətçinin sözlərinə görə, Sülh prospektində, Bakı istiqamətində hərəkət edən avtobuslar dayanma və durmanın qadağan olunduğu kəsişmədə saxlayaraq sərnişin mindirir və ya düşürürlər. Bu hal isə yolda hərəkət edən digər sürücülər üçün çətinlik yaradır və nəqliyyatın hərəkətinə ciddi maneə törədir.

Azərbaycan Yerüstü Nəqliyyat Agentliyinin (AYNA) mətbuat katibi Tural Orucov bildirib ki, sözügedən əraziyə baxış keçirilib. Zəruri tədbirlərin görülməsi nəzərdə tutulub.