Sürücü maşını ilə iki parklanma yerini tutdu – 10-YF-727 - FOTO

Paytaxtın Nərimanov rayonu, Təbriz küçəsində parklanma qaydasını pozan sürücü görüntülənib.

Bu barədə izləyici Avtosfer.az-ın “Instagram” ünvanına məlumat göndərib.

Avtosfer.az xəbər verir ki, hadisə sentyabrın 12-də saat 14:40 radələrində “Metropark” ticarət mərkəzinin parkinqində qeydə alınıb.

Fotodan göründüyü kimi, 10-YF-727 dövlət qeydiyyat nişanlı “BAW” markalı avtomobilin sürücüsü parklanma qaydasını pozub. Belə ki, o, nəqliyyat vasitəsini dayanma-durma qaydalarına uyğun olmayan formada saxlayaraq iki maşının yerini zəbt edib. Nəticədə izləyici avtomobilini park edə bilməyib.

Şikayətçinin sözlərinə görə, qayda pozan avtomobilin sürücüsü həmin vaxt hadisə yerində olmayıb.

Qeyd edək ki, qanunvericiliyə əsasən, nəqliyyat vasitələrinin parklanması müəyyən edilmiş qaydalara uyğun həyata keçirilməlidir. Parklanma zamanı digər nəqliyyat vasitələrinin hərəkətinə və ya onların parklanmasına maneə yaratmaq yolverilməzdir.

Nərmin