Sürücü zolaqları kəsə-kəsə ən sağa keçib təhlükə yaratdı - VİDEO

Paytaxtın Ziya Bünyadov prospektində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə avqustun 24-də saat 14:14 radələrində qeydə alınıb. Belə ki, hərəkət istiqamətini dəyişmək istəyən 77-RY-310 dövlət nömrə nişanlı “Toyota” markalı avtomobilin sürücüsü ən sol zolaqdan hərəkətdə olan digər nəqliyyat vasitələrinin qarşısını kəsərək birbaşa ən sağ zolağa keçib. Nəticədə görüntünü qeydə alan avtomobil üçün qəza şəraiti yaranıb.

Kadrlardan görünür ki, sürücü təhlükəli manevri etdikdən sonra dönmə işığını yandırıb.

Xatırladaq ki, qanunvericiliyə əsasən, sürücü öncədən düzgün hərəkət zolağında yerləşməlidir. Dönmə işığının vaxtında yandırılması isə heç bir halda sürücüyə avtomatik üstünlük vermir. Manevr edən sürücü hər şeydən öncə digər nəqliyyat vasitələrinin hərəkətinə mane olmamalı və onların təhlükəsizliyini təmin etməlidir.

Nərmin