Sürücülər səkini zəbt etdi – Piyadalar çətinliklə keçdi - VİDEO

Paytaxtın Yasamal rayonu, Abbasqulu Ağa Bakıxanov küçəsində dayanma və durma qaydalarını pozan sürücülər növbəti dəfə kameraya düşüblər.

Bu barədə izləyicilərdən biri Avtosfer.az-ın “WhatsApp” xəttinə video göndərərək məlumat verib. Hadisə iyulun 9-da saat 11:36 radələrində qeydə alınıb.

Belə ki, 10-RT-072 dövlət nömrə nişanlı “Mini Cooper” markalı, 99-KA-555 dövlət nömrə nişanlı “Volkswagen” markalı, 10-HX-010 dövlət nömrə nişanlı “Lynk&Co” markalı və 90-OS-082 dövlət nömrə nişanlı “Chevrolet” markalı avtomobillərin sürücüləri nəqliyyat vasitələrini piyadaların hərəkəti üçün nəzərdə tutulmuş səkidə park ediblər. Kadrlardan göründüyü kimi, səkiylə hərəkət edən piyada iki avtomobilin arasından çətinliklə keçməyə məcbur qalıb.

Qeyd edək ki, sözügedən ərazidə bu cür qanunsuz parklanma halları mütəmadi olaraq müşahidə olunur. Avtosfer.az bu problemlə bağlı daha əvvəl də dəfələrlə material yayımlayıb. Buna baxmayaraq, bəzi sürücülər hələ də piyadaların hüquqlarını nəzərə almadan nəqliyyat vasitələrini səkidə saxlayırlar.

Nərmin