Sürücülərin hörmət etmədiyi yol nişanları: 3 bal 100 manat cəriməsi var - VİDEO

Bakıda sürücülərin yol nişanlarına məhəl qoymamasına dair videogörüntü sosial şəbəkədə yayılıb. Avtosfer.az xəbər verir ki, hadisə Dərnəgül metrostansiyasının yaxınlığında qeydə alınıb. Belə ki, təmir işləri ilə əlaqədar yola iki müvəqqəti nişan quraşdırılıb. Videodan da aydın şəkildə görünür ki, nişanın biri düzünə girişi qadağan edir, digəri isə hərəkətin sola məcburi olduğunu bildirir. Lakin sürücülərin əksəriyyəti nişanların tələblərinə əhəmiyyət verməyərək oradan düzünə hərəkət edib.

Qeyd edək ki, qanunvericiliyə görə, yola quraşdırılmış müvəqqəti nişanlar daimi nişanların tələbini ləğv edir. Sürücülərə tövsiyə edirik ki, yolda müvəqqəti nişan görən zaman onun tələbinə riayət etsin. Əks halda inzibati qaydada məsuliyyətə cəlb edilə bilər.

Fərid