Taksi sürücüsündən ŞİKAYƏT: "Minib-düşmə yerini xidməti avtomobillər zəbt edib" - VİDEO

Bakıda taksi sürücülərindən biri avtomobillərin düzgün park edilməməsi ilə bağlı çəkdiyi videonu sosial şəbəkədə paylaşıb.

Avtosfer.az xəbər verir ki, görüntü paytaxtın Füzuli küçəsində qeydə alınıb. Sürücünün iddiasına görə, Dövlət Şəhərsalma və Arxitektura Komitəsinə məxsus xidməti avtomobillər avtobus zolağında və taksilər üçün nəzərdə tutulmuş minib-düşmə məntəqəsinin qarşısında park edilib. Bu səbəbdən onlar sərnişini ayrılmış yerdə düşürə bilmirlər. Belə olan halda isə sərnişinlərin də narazılığına səbəb olur.

Taksi sürücüsü bildirib ki, məcburiyyətdən ikinci cərgədə dayanmalı olurlar. Bu isə yol hərəkəti qaydalarının pozulması kimi qiymətləndirilir və sürücülərə cərimə tətbiq olunur.

Fərid