Təhlükəli ötmə edən “Land Rover” sürücüsü az qala ağır qəza törədəcəkdi - REAL VİDEO

Quba rayonu ərazisində kobud qayda pozan sürücü təhlükəli anlar yaşadıb.

Avtosfer.az-ın məlumatına görə, hadisə martın 7-də saat 09:45 radələrində qeydə alınıb. Kadrlardan göründüyü kimi, “Land Rover” markalı avtomobilin sürücüsü önündəki “KamAZ” markalı yük maşınını ötmək üçün əks istiqamətli yola çıxıb. Bu zaman o, qarşı tərəfdən gələn avtomobilə qəza riski yaradıb. Xoşbəxtlikdən sürücü vaxtında sağa manevr edərək baş verəcək ağır qəzadan son anda xilas olub. 

Qeyd edək ki, “Yol hərəkəti haqqında” qanunun 51-ci maddəsinin I hissəsinin 1-ci bəndinə əsasən, ötməyə başlamazdan əvvəl sürücü əmin olmalıdır ki, girmək istədiyi hərəkət zolağı ötmə üçün kifayət edəcək məsafədə boşdur və bu manevr ilə o, qarşıdan gələn və bu zolaqda gedən nəqliyyat vasitələri üçün maneə yaratmayacaq. Əks halda qəzanın baş vermə ehtimalı yüksəkdir.  

Nərmin