Toy kortejində qayda pozan sürücü motosikleti vurdu - VİDEO

Qubada baş vermiş yol-nəqliyyat hadisəsi anbaan kameraya düşüb.

Avtosfer.az-ın məlumatına görə, zərərçəkmiş izləyici hadisənin görüntülərini redaksiyanın “WhatsApp” ünvanına göndərərək məlumat verib.

Onun iddiasına görə, toy kortejində hərəkət edən 55-CG-268 dövlət nömrə nişanlı “Nissan” markalı avtomobilin sürücüsü yolboyu təhlükəli manevrlər edərək həm ona, həm də digər hərəkət iştirakçılarına qəza şəraiti yaradıb. Sonda isə qayda pozuntusu qəza ilə nəticələnib.

Videodan göründüyü kimi, “Nissan”ın sürücüsü sağ zolaqda hərəkət edən motosikletə yol vermədən onun qarşısına çıxaraq sağa dönür. Nəticədə avtomobil motosikletlə toqquşur.

Xoşbəxtlikdən, motosikletin sürücüsü xəsarət almayıb.

Xatırladaq ki, qanunvericiliyin tələblərinə əsasən, sağa dönən sürücü manevri təhlükəsiz yerinə yetirməli və dönəcəyi yolda hərəkət edən nəqliyyat vasitələrinə maneə yaratmamalıdır.

Nərmin