Valideynin nəzarətindən çıxan məktəbli sürücüyə təhlükəli anlar yaşatdı - VİDEO

Xudat rayonunda baş verən hadisənin görüntüsü anbaan kameraya düşüb. Avtosfer.az xəbər verir ki, hadisə mayın 29-da, Ləcət kəndi ərazisində qeydə alınıb. Belə ki, valideynin nəzarətindən çıxan məktəbli yolu digər tərəfə keçmək üçün qəfildən hərəkət hissəsinə qaçıb. Bu zaman görüntünü qeydə alan avtomobilin qarşısına çıxaraq ona təhlükəli anlar yaşadıb. Lakin sürücü yol hərəkəti qaydalarına əməl edərək və yaranacaq təhlükəni vaxtında hiss edərək avtomobilin sürətini minimuma endirib. Bu səbəbdən azyaşlının vurulmasının qarşısını vaxtında ala bilib.

Fərid