Xırdalanda səkilərin vəziyyətinə nəzarət edilmir - EKSPERT

Nəqliyyat eksperti Anar Əliyev Xırdalan şəhərində piyada infrastrukturunun mövcud vəziyyəti və şəhərsalma yanaşması ilə bağlı fikirlər səsləndirib.

Avtosfer.az xəbər verir ki, onun sözlərinə görə, bölgədə bəzi küçələrdə piyadalar üçün nəzərdə tutulmuş infrastruktur hələ şəhər statusu almamış dövrlərdən formalaşdırılıb və bu, o zaman üçün kifayət qədər mütərəqqi yanaşma hesab olunurdu.

“Yeni salınan bir səki deyil, amma vaxtilə, hələ şəhər statusu almadan belə burada piyadaları düşünərək infrastruktur salınıb,” – deyə ekspert qeyd edib.
Anar Əliyev bildirib ki, hazırkı vəziyyət əvvəlki planlaşdırma yanaşması ilə müqayisədə ciddi fərqlənir və şəhər mühitində piyada rahatlığına kifayət qədər diqqət yetirilmədiyi müşahidə olunur:

“İndiki vəziyyət hər kəsə məlumdur, Xırdalanda hazırda piyadaları düşünən yoxdur. Bu fəsadları aradan qaldırmaq zaman aparacaq.”

Ekspert həmçinin şəhər mühitində yaşıllıqların roluna da diqqət çəkib. Onun sözlərinə görə, yaşıllıq elementləri küçələrin vizual və funksional görünüşünü tamamilə dəyişə bilir:

“Sadəcə fikir verin, yaşıllıq bir küçəni necə tanınmaz edə bilər.”

Eltac Züıfüqaroğlu