Yasamalda sürücülər enli səkini zəbt etdi – Piyadalar güclə keçdi - VİDEO

Paytaxtın Yasamal rayonu, Abbasqulu Ağa Bakıxanov küçəsində dayanma və durma qaydalarını pozan sürücülər kameraya düşüblər.

Avtosfer.az-ın “WhatsApp” ünvanına müraciət edən izləyicilərdən biri ərazidə çəkilmiş görüntüləri redaksiyamıza göndərərək problemdən şikayət edib.

Kadrlardan görünür ki, 99-ZR-093 dövlət nömrə nişanlı “Honda”, dövlət nömrə nişanı görüntülərdə seçilməyən “Toyota” və 99-JM-455 dövlət nömrə nişanlı “Ford Transit” markalı avtomobillər piyadaların hərəkəti üçün nəzərdə tutulan səkidə saxlanılıb. Avtomobillər səkinin hərəkət hissəsini daraldıb, nəticədə piyadalar qalan dar sahədən çətinliklə keçməli olublar.

Şikayətçinin sözlərinə görə, ərazidə demək olar ki, hər gün eyni mənzərə ilə qarşılaşmaq mümkündür.

Qeyd edək ki, sözügedən küçədə piyadaların hərəkətinə mane olan avtomobillərlə bağlı problem əvvəllər də saytımızda işıqlandırılıb.

Nərmin