Yasamalda sürücülərin bitməyən səki “işğalı” - 99-AA-777, 10-RY-309 və 10-EX-110 - VİDEO

Paytaxtın Yasamal rayonu, Abbasqulu Ağa Bakıxanov küçəsində dayanma-durma qaydalarını pozan sürücülər görüntülənib.

Bu barədə izləyicilərdən biri Avtosfer.az-ın “WhatsApp” xəttinə videogörüntü göndərib. Hadisə iyulun 2-də saat 10:31 radələrində qeydə alınıb.

Kadrlardan görünür ki, 99-AA-777 dövlət nömrə nişanlı “BMW” markalı, 10-RY-309 dövlət nömrə nişanlı “Mercedes” markalı və 10-EX-110 dövlət nömrə nişanlı “Nissan” markalı avtomobillərin sürücüləri nəqliyyat vasitələrini piyadaların hərəkəti üçün nəzərdə tutulmuş səkidə saxlayıblar.

Müşahidələr göstərir ki, bəzi sürücülər parklanma yeri tapmadıqda və ya ödənişdən yayınmağa çalışdıqda avtomobillərini səkidə saxlayırlar. Lakin səkinin enli olması belə halları qanuni etmir. Bu cür qayda pozuntuları piyadaların hərəkətini məhdudlaşdırmaqla yanaşı, xüsusilə uşaq arabası və əlil arabasından istifadə edən şəxslər üçün ciddi çətinlik yaradır.

Nərmin