Yaşayış kompleksində sürücülük dərsi keçən təlimçi özünə haqq qazandırdı - VİDEO

Paytaxtın Yasamal rayonunda qayda pozan sürücülük təlimçisi kameraya düşüb.

Avtosfer.az-ın məlumatına görə, hadisə iyunun 29-da səhər saatlarında MİDA yaşayış kompleksinin ərazisində qeydə alınıb. Belə ki, “Hyundai” markalı avtomobillə sürücülük təlimi keçən təlimçi yaşayış kompleksinin daxili yollarında tələbəsinə idarəetmə qaydalarını öyrədib.

Hadisənin şahidi olan moto sürücü vəziyyətə etiraz edərək təlimçiyə iradını bildirib. Təlimçi isə cavabında əraziyə yalnız parklanma məqsədilə daxil olduqlarını deyib.

Qeyd edək ki, yaşayış komplekslərinin daxili yollarında sürücülük təliminin keçirilməsi həm sakinlər, həm də həyətdə hərəkət edən piyadalar üçün risk yarada bilər. Xüsusilə uşaqların sıx olduğu belə ərazilərdə təlim prosesinin xüsusi ayrılmış meydançalarda və daha təhlükəsiz şəraitdə aparılması məqsədəuyğun hesab olunur.

Nərmin