Yeraltı parkinqlərdə ödənişi belə etməyin: Hamıya narahatlıq yaranır - VİDEO

Bakıda yeraltı parkinqlərdə sürücülərin düzgün olmayan davranışı tez-tez sıxlığa səbəb olur. Avtosfer.az xəbər verir ki, bir çox sürücü parkinqdən çıxarkən əvvəlcədən ödəniş etmir, avtomobilə əyləşib birbaşa çıxışa yönəlir. Daha sonra isə çıxışda dayanaraq yolu kəsir və ödəniş etməyə gedir.

Belə hallardan biri avtomobildəki kameraya düşüb. Görüntülərdə 77-XF-422 qeydiyyat nişanlı “Ford” markalı avtomobilin sürücüsünün ödəniş məntəqəsinin qarşısında dayanaraq digər avtomobillərin hərəkətinə mane olduğu aydın görünür. Bu cür davranışlar, xüsusilə parkinqə daxil olan nəqliyyat vasitələri ilə hərəkətin kəsişdiyi məqamlarda ciddi çətinlik yaradır.

Qeyd edək ki, qaydalara görə sürücü parkinqi tərk etməzdən əvvəl ödənişini etməli, daha sonra isə çıxış üçün nəzərdə tutulmuş 15 dəqiqə ərzində ərazini rahat şəkildə tərk etməlidir.

Fərid