Yol polisi bu ərazidə piyadalara qarşı reydə başladı – Xaos yaradıblar - VİDEO

Xəbər verdiyimiz kimi, “Koroğlu” nəqliyyat mübadilə mərkəzinin qarşısında piyadaların piyada zolağından kənar ərazilərdən yolu keçməsi ilə bağlı problem var. Uzun müddətdir həmin ərazidə xaotik vəziyyət yaşanır, bu isə həm piyadalar, həm də sürücülər üçün real təhlükə yaradırdı.

Təlimçi Arzu Babazadə Avtosfer.-az-a bildirib ki, artıq Dövlət Yol Polisi bu ərazidə nəzarəti gücləndirərək reydlərə start verib. Yolun piyada zolağından kənar hissəsindən keçən piyadalara yerindəcə xəbərdarlıq edilir, onlara qaydalara riayət etməyin vacibliyi izah olunur. Məqsəd həm intizamı artırmaq, həm də baş verə biləcək qəzaların qarşısını almaqdır.

Təlimçinin sözlərinə görə, aparılan reydlər davamlı olacaq və qayda pozuntularının qarşısının alınması istiqamətində ciddi nəzarət təmin ediləcək.

Səfər