Yol verməyən sürücü motosikletçini təhlükə ilə üz-üzə qoydu - VİDEO

Paytaxtın Sabunçu rayonu, Bakıxanov qəsəbəsində qayda pozan sürücü kameraya düşüb.

Avtosfer.az-ın məlumatına görə, hadisə bir müddət əvvəl günorta saatlarında Bəşir Bünyadov küçəsində qeydə alınıb.

Kadrlardan göründüyü kimi, 99-LH-278 dövlət qeydiyyat nişanlı “QAZ-3110” markalı avtomobilin sürücüsü qarşıdan gələn motosikletə yol vermədən sola - ara küçəyə dönüb. Bu zaman motosiklet sürücüsü qəfil tormoz verib və avtomobillə toqquşmaqdan son anda xilas olub.

Xatırladaq ki, sürücü dönmə və ya digər manevr zamanı hərəkətin təhlükəsizliyini təmin etməli, digər hərəkət iştirakçılarına maneə və təhlükə yaratmamalıdır.

Nərmin