Yolayrıcında səhv zolaqda dayandığı yadına düşdü – 90-AC-109 - VİDEO

Paytaxtın Nəsimi rayonunda qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə bir neçə gün əvvəl Vaqif prospekti ilə Səməd Vurğun küçəsinin kəsişməsində qeydə alınıb.

Belə ki, 90-AC-109 dövlət nömrə nişanlı “Hyundai” markalı avtomobilin sürücüsü sola dönmək istəyərkən yolayrıcına çatanda stop xəttini tapdalayaraq sol zolağa keçib. Üstəlik o, bunu sürücülərin hərəkətə başlamağa hazırlaşan zaman edib. Sürücünün bu manevri onların hərəkətinə maneə yaradaraq ləngimələrinə səbəb olub.

Qeyd edək ki, qanunvericiliyə əsasən, sürücülər dönməzdən əvvəl müvafiq hərəkət istiqamətinə uyğun zolaqda yerləşməlidirlər. Yolayrıcına yaxınlaşarkən bu qaydaya əməl etməmək digər nəqliyyat vasitələrinin hərəkətinə maneə yarada, hətta qəzalara gətirib çıxara bilər.

Nərmin