Yolu bağladı, geriyə sürərək qəza şəraiti yaratdı – 99-GG-189 - VİDEO

Paytaxtın Xətai rayonu, Məhəmməd Hadi küçəsində qaydaları kobud şəkildə pozan sürücü avtomobilin kamerasına düşüb.

Bu barədə Avtosfer.az-a görüntünü təqdim edən oxucu məlumat verib. Bildirilib ki, hadisə avqustun 5-də günorta saatlarında baş verib.

Kadrlardan görünür ki, 99-GG-189 dövlət qeydiyyat nişanlı “Renault” markalı avtomobilin sürücüsü nəqliyyat vasitəsini yolun hərəkət hissəsində saxlayaraq digər avtomobillərin hərəkətinə maneə yaradır. Daha sonra o, geriyə hərəkət edərək arxadan gələn avtomobil üçün qəza şəraiti formalaşdırır.

Şikayətçinin sözlərinə görə, sürücü əl işarəsi ilə videoqeydiyyat kamerası olan avtomobilin sürücüsünə bütöv xətti keçərək digər hərəkət zolağına çıxmasını bildirib. Lakin bundan sonra özü yol nişanlanmasının tələblərinə məhəl qoymadan bütöv xətti keçərək digər zolağa daxil olub.

Görüntülərdən sürücünün həm yolun hərəkət hissəsində dayanmaqla digər hərəkət iştirakçılarına maneə yaratdığı, həm də yol nişanlanmasının tələblərini pozaraq təhlükəli manevr etdiyi aydın görünür. Qeyd olunan hərəkətlər digər nəqliyyat vasitələrinin sürücülərini qəfil reaksiya verməyə məcbur etməklə yol-nəqliyyat hadisəsi riskini əhəmiyyətli dərəcədə artırır.

Nərmin