Yüksək sürətlə gedən sürücü ayırıcı zolağın üzərində ötmə etdi - VİDEO

Bərdə rayonunda yol hərəkəti qaydalarını pozan sürücü kameraya düşüb.

Avtosfer.az xəbər verir ki, hadisə iyulun 10-da rayonun Kətəlparaq kəndi ərazisində qeydə alınıb.

Belə ki, 90-BY-309 dövlət qeydiyyat nişanlı “Mercedes” markalı avtomobilin sürücüsü sürət həddinin 60 km/saat olduğu yolda yüksək sürətlə ayırıcı zolağın üzəri ilə hərəkət edib.

Qarşıda radar olduğunu görən sürücü sürətini azaldaraq sağ zolağa keçib. Lakin radarı keçdikdən sonra yenidən sürətini artıraraq hərəkətini davam etdirib.

Fərid