Ağır yol qəzası baş verdi: 2 ölü, 1 yaralı - VİDEO

İki nəqliyyat vasitəsinin iştirakı ilə baş verən ağır yol qəzasının görüntüləri sosial şəbəkədə yayımlanıb. Avtosfer.az yerli KİV-ə istinadən xəbər verir ki, hadisə Türkiyənin Bursa şəhərində qeydə alınıb.

Belə ki, hərəkətdə olan “Tofaş Şahin” markalı minik avtomobili sürücünün idarəetməsindən çıxaraq əks yol keçib və qarşıdan gələn avtomobillə toqquşub.

Zərbənin təsirindən “Tofaş” deformasiyaya uğrayıb.

Nəticədə “Tofaş”ın sürücüsü və sərnişini ölüb, digər avtomobilin sürücüsü isə xəsarətlər alıb.

Ətrafdakı vətəndaşların çağırışı ilə hadisə yerinə polis, xilasetmə və təcili tibbi yardım briqadasının əməkdaşları gəlib.

Yaralı ilkin tibbi yardımdan sonra yaxınlıqdakı tibbi məntəqəsinə aparılıb.

Faktla bağlı araşdırma aparılır.

Namiq Musayev