Ağstafada AĞIR QƏZA: Xəsarət alanlar var - YENİLƏNİB

Ağstafa rayonunda yol-nəqliyyat hadisəsi zamanı xəsarət alan şəxslər evə buraxılıblar.

Bu barədə Ağstafa Rayon Mərkəzi Xəstəxanasından məlumat verilib.

Məlumatda bildirilir ki, Bu gün gecə saat 00:35-də yol-nəqliyyat hadisəsi səbəbi ilə xəsarət alan 3 nəfər (kişi) Ağstafa Rayon Mərkəzi Xəstəxanasına hospitalizasiya olunub.

1998, 1999, 2004-cü il təvəllüdlü şəxslərə bədənin müxtəlif nahiyələrinin əziyi, sıyrılmış yaraları diaqnozları təyin edilib.

Hər birinə zəruri tibbi xidmətlər göstərilib. Vəziyyətləri kafi qiymətləndirildiyi üçün evə buraxılıblar./oxu.az

***09:16

Ağstafada yol-nəqliyyat hadisəsi baş verib.

Avtosfer.az xəbər verir ki, hadisə rayon ərazisində qeydə alınıb. Belə ki, hərəkətdə olan "VAZ" markalı minik avtomobili başqa bir avtomobillə toqquşub.

Qəza zamanı 1998-ci il təvəllüdlü M. Hüseynov, 2004-cü il təvəllüdü Y. Kazımov və 1999-cu il təvəllüdlü T. Quliyev xəsarət alıb.

Yaralılar xəstəxanaya yerləşdirilib, onlara yardım edilib. Hazırda xəsarət alanların vəziyyətlərinin orta ağır olduğu bildirilir.

Hadisə yerinə polis əməkdaşları cəlb edilib.

Faktla bağlı araşdırma aparılır./unikal