Gəncə şəhərində zəncirvari qəza: xəsarət alanlar evə buraxıldı

Gəncə şəhərində baş verən zəncirvari yol-nəqliyyat hadisəsi zamanı xəsarət alan şəxslərin son vəziyyəti açıqlanıb.

Avtosfer.az oxu.az-a istinadən xəbər verir ki, Gəncə Şəhər Birləşmiş Xəstəxanasından bildirilib ki, martın 30-da, saat 21:30-da iki nəfər (kişi) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.

"Müxtəlif bədən xəsarətləri alan pasiyentlərə zəruri tibbi xidmətlər göstərilib. Vəziyyətləri qənaətbəxş qiymətləndirilən şəxslər ambulator müalicə üçün evə buraxılıblar", - deyə məlumatda vurğulanıb.

Xatırladaq ki, sözügedən zəncirvari yol-nəqliyyat hadisəsi "Chevrolet", "Mercedes", "Toyota" və BMW markalı minik avtomobillərinin toqquşması nəticəsində baş verib.