Gəncədə iki avtomobil toqquşdu - 4 nəfər... - YENİLƏNİB

Gəncədə qəzada xəsarət alanlar xəstəxanadan buraxılıb

Gəncə Şəhər Birləşmiş Xəstəxanasından verilən məlumata görə,  29 mart 2026-cı il saat 22:20 radələrində yol-nəqliyyat hadisəsi nəticəsində xəsarət alan 3 qadın Abbas Səhhət adına xəstəxananın Təcili tibbi yardım şöbəsinə yerləşdirilib.

Müayinələr zamanı onlara bədənin müxtəlif nahiyələrinin əzilməsi diaqnozu qoyulub. Zərərçəkənlərə zəruri tibbi yardım göstərilib. Vəziyyətləri qənaətbəxş qiymətləndirildiyi üçün ambulator müalicə üçün evə buraxılıblar./unikal

***29 mart, 20:36

Gəncə şəhərində yol-nəqliyyat hadisəsi baş verib.

Avtosfer.az apa-ya istinadən xəbər verir ki, şəhər ərazisində hərəkətdə olan “VAZ 2107” və “BYD” markalı minik avtomobilləri toqquşub.

Qəza nəticəsində 4 nəfər xəsarət alıb. Yaralılar xəstəxanaya yerləşdirilib, onların vəziyyətinin kafi olduğu bildirilir.

Hadisə yerinə polis əməkdaşları cəlb olunub.

Faktla bağlı araşdırma aparılır.