İsveçrədə dəhşətli qəza: 5 ölü, 40 yaralı

İsveçrənin Qraubünden kantonunda turist avtobusunun iştirakı ilə baş verən ağır yol-nəqliyyat hadisəsi nəticəsində 5 nəfər həyatını itirib, 40 nəfər isə müxtəlif dərəcəli xəsarətlər alıb.

Avtosfer.az verir ki, bu barədə yerli polisdən rəsmi məlumat verilib.

"Dünən axşam saatlarında Suş bölgəsində avtobusun qəzaya uğraması səbəbindən 5 nəfər ölüb, 40 nəfər yaralanıb", - deyə açıqlamada bildirilir.

Xəsarət alan şəxslər 7 xilasedici helikopter və 13 təcili tibbi yardım avtomobili vasitəsilə yaxınlıqdakı xəstəxanalara çatdırılıblar. Həyatını itirənlərin şəxsiyyəti hələlik müəyyənləşdirilməyib.

Hüquq-mühafizə orqanlarının məlumatına əsasən, qəzaya düşən nəqliyyat vasitəsi Niderlandda qeydiyyatdan keçib.