Məşhur müğənni qəzada öldü - FOTO

Kolumbiyada Zalek səhnə adı ilə tanınan məşhur müğənni motosiklet qəzasında həlak olub.

Avtosfer.az xəbər verir ki, qəza martın 10-da günorta saatlarında Medellin şəhəri yaxınlığında baş verib.

30 yaşlı ifaçı motosikleti yüksək sürətlə idarə edərkən nəqliyyat vasitəsinə nəzarəti itirib. Nəticədə o, avtomobilə çırpılıb və yıxılaraq başını bordürə vurub.

Hadisə yerinə gələn həkimlər ilkin müayinə zamanı onun sağ olduğunu bildiriblər. Lakin müğənni xəstəxanaya aparılarkən təcili tibbi yardım avtomobilində dünyasını dəyişib.

Məlumata görə, ifaçı bir sıra tanınmış sənətçilərlə birgə mahnılar yazdırıb. Onun yaxın zamanda təqdim etdiyi “Ay Amor” (“Ah, sevgi”) adlı mahnının klipi “YouTube” platformasında 10 milyondan çox baxış toplayıb./news24.az