Motosikletlə qırmızıda keçən gənclər canlarından oldu: Qız öldü, oğlanın ayaqları kəsildi - VİDEO

Paytaxtın Səbail rayonu, Bibiheybət məscidinin yaxınlığında ölümlə nəticələnən yol-nəqliyyat hadisəsi baş verib.

Avtosfer.az xəbər verir ki, qəza iyulun 20-də gecə saatlarında qeydə alınıb. Belə ki, hərəkətdə olan motosiklet idarəetmədən çıxaraq qəzaya düşüb. Şahidlərin iddiasına əsasən, qəzaya səbəb sürücünün işıqforun qırmızı işığında hərəkət etməsi olub. Hadisə zamanı sükanı buraxan sürücü qadınlə birgə sərnişin yola yıxılıb. Bir müddət öz-özünə hərəkət edən motosiklet daha sonra dəmir maneəyə çırpılaraq aşıb. Aldığı zərbənin təsirindən sərnişin - İnci adlı gənc qız hadisə yerində dünyasını dəyişib. Ağır xəsarətlər alan sürücü isə yaxınlıqdakı xəstəxanaya yerləşdirilib. Məlumata görə, ayaqları amputasiya olunub və hazırda reanimasiyadadır. 

Qeyd edək ki, faktla bağlı araşdırma aparılır. 

Nərmin