Müşfiqabadda qəza: İki maşın toqquşdu, gənc sürücü yaralandı - VİDEO

Müşfiqabad qəsəbəsində ağır yol-nəqliyyat hadisəsi baş verib.

Avtosfer.az xəbər verir ki, Baş Dövlət Yol Polisi İdarəsi hadisə ilə bağlı sorğumuza cavab olaraq bildirib ki, qəza oktyabrın 1-də saat 21:26 radələrində Bakı-Şamaxı yolunun 22,4-cü kilometrliyində qeydə alınıb.

Məlumata görə, 90-NH-621 dövlət nömrə nişanlı “KIA” markalı avtomobil 77-TJ-326 dövlət nömrə nişanlı “VAZ-2115” markalı avtomobillə toqquşub.

Nəticədə hər iki nəqliyyat vasitəsinə maddi ziyan dəyib, “KIA”nın 2005-ci il təvəllüdlü sürücüsü R. İsmayılzadə xəsarət alıb.

Hadisə yerinə polis əməkdaşları cəlb olunub.

Faktla bağlı araşdırma aparılır.

Nərmin