Nərimanovda iki maşın toqquşdu, piyada son anda faciədən qurtuldu - VİDEO

Paytaxtın Nərimanov rayonu, Əhməd bəy Ağaoğlu və Qarabağ küçələrinin kəsişməsində baş vermiş yol-nəqliyyat hadisəsi avtomobilin kamerasına düşüb.

Avtosfer.az-ın məlumatına görə, qəza bir müddət əvvəl səhər saatlarında qeydə alınıb. Kadrlardan görünür ki, baş yolla hərəkətdə olan “Ford” markalı avtomobil köməkçi yoldan gələn “Mercedes” markalı nəqliyyat vasitəsi ilə toqquşub.

Toqquşmanın təsirindən “Ford”un hərəkət istiqaməti dəyişib və avtomobil piyada keçidindən keçən piyadanın üzərinə yönəlib. Xoşbəxtlikdən sürücü nəqliyyat vasitəsini vaxtında saxlaya bildiyindən daha ağır nəticənin qarşısı alınıb.

Görüntülər bir daha göstərir ki, nizamlanmayan kəsişmələrdə ikinci dərəcəli yoldan baş yola çıxan sürücülər üstün hərəkət hüququna malik nəqliyyat vasitələrinə yol verməlidir. 

Nərmin