Sakin şikayətini çəkib paylaşdı: “İki gündən bir bu ərazidə qəza olur, amma..” - VİDEO

Paytaxtın Sabunçu rayonu, Bakıxanov qəsəbəsi, Şamil Kamilovla Nazim İsmayılov küçələrinin kəsişməsində yol qəzası qeydə alınıb.

Avtosfer.az xəbər verir ki, bu barədə sakinlərdən biri sosial şəbəkə hesabında paylaşım edib. Hadisə aprelin 13-də saat 21:07 radələrində qeydə alınıb. Belə ki, taksi fəaliyyətiylə məşğul olan “Chevrolet Cobalt” markalı maşın, 99-SF-303 dövlət nömrə nişanlı “Mercedes” markalı avtomobillə toqquşub. Hadisə zamanı xəsarət alan olmasa da hər iki nəqliyyat vasitəsinə maddi ziyan dəyib. 

İzləyici sözügedən ərazidə tez-tez yol-nəqliyyat hadisələrinin baş verdiyini bildirib. Onun sözlərinə görə, qəzalara səbəb yolayrıcının tənzimlənməməsidir. Nəticədə sürücülər bir-birilərini görmədən yolayrıcına daxil olurlar və bu halda qəza törədirlər. İki gün əvvəl də eyni ərazidə yol-nəqliyyat hadisəsinin baş verdiyini bildirən şikayətçi məsələnin dəfələrlə işıqlandırıldığını, lakin aidiyyəti qurumların bununla bağlı hələ də tədbir görmədiklərini əlavə edib.   

Nərmin