Sürücü məsafəni düzgün hesablamadı, avtobus obyektə çırpıldı - VİDEO - YENİLƏNİB

Bakıda sərnişin avtobusunun yarımçıq tikiliyə çırpılması ilə bağlı daşıyıcı şirkət açıqlama verib.

Avtosfer.az oxu.az-a istinadən xəbər verir ki, hadisə sürücünün diqqətsizliyi səbəbindən baş verib.

Qeyd olunub ki, qəza nəticəsində avtobusa və tikiliyə cüzi ziyan dəyib:

"Hadisə zamanı avtobusda sərnişin olmayıb, xəsarət alan yoxdur".

***09:00

Paytaxtın Sabunçu rayonu, Zabrat qəsəbəsində avtobus sürücüsü yol-nəqliyyat hadisəsi törədib.

Avtosfer.az xəbər verir ki, 81 nömrəli tam orta məktəbin yaxınlığında 118A nömrəli marşrut avtobusu geriyə hərəkət edərkən yol kənarında yerləşən obyektlərdən birinə dəyib.

Hadisə nəticəsində ciddi xəsarət və ya böyük maddi ziyan qeydə alınmasa da, sürücünün ehtiyatsız manevri təhlükəli vəziyyət yaradıb. Baş verən hadisənin görüntüləri kamera ilə qeydə alınıb.

Həmin görüntüləri təqdim edirik.

Eltac Zülfüqaroğlu