Sürücü qəzadan sonra motosiklet sürməyə tövbə etdi - VİDEO

Türkiyənin Hatay şəhərində motosikletlə avtomobilin toqquşması nəticəsində 2 nəfər ağır xəsarət alıb.

Avtosfer.az xəbər verir ki, qəza Antakya rayonunun Odabaşı məhəlləsində baş verib. Hərəkətdə olan avtomobil qarşıdan gələn motosikletlə toqquşub. Güclü zərbə nəticəsində motosikletdə olan 20 yaşlı Yakup Süner (adlar şərtidir) və digər şəxs bir neçə metr havaya sovrulub. Qəza anı ərazidəki təhlükəsizlik kamerası tərəfindən qeydə alınıb və görüntülər izləyiciləri dəhşətə gətirib.

Xəstəxanada müalicə alan və daha sonra evə buraxılan Yakup Süner yaşadıqlarını mediaya açıqlama verib:

“Təxminən 3 metr havaya qalxdım. O anı unutmaq mümkün deyil. Artıq nə motosikletə minərəm, nə də yanından keçərəm. Motosiklet mövzusunda tövbə etmişəm.”
Qeyd edək ki, qəza nəticəsində hər iki motosikletçi müxtəlif dərəcəli bədən xəsarətləri alıb. Hadisə ilə bağlı araşdırma aparılır.

Eltac Zülfüqaroğlu