Yevlaxda batan avtomobili çəkən traktor aşıb, ölən və yaralanan var - FOTO

Yevlaxda baş verən bədbəxt hadisə nəticəsində ölən və yaralanan şəxslərin kimliyi məlum olub.
Avtosfer.az APA-ya istinadən xəbər verir ki, hadisə zamanı həlak olan şəxs traktorçu Mustafayev Firdovsi İlqar oğludur.
"QAZ-24" markalı avtomobilin sürücüsü isə müxtəlif dərəcəli bədən xəsarətləri alaraq Mingəçevir şəhər Mərkəzi Xəstəxanasına çatdırılıb.

***

Yevlaxda bədbəxt hadisə nəticəsində bir nəfər ölüb, bir nəfər yaralanıb.
Avtosfer.az APA-ya istinadən xəbər verir ki, traktor palçıq ərazidə batmış "QAZ-24" markalı minik maşının çəkərkən aşıb.
Ölən və xəsarət alanlarla bağlı əlavə məlumat veriləcək.
Faktla bağlı Yevlax rayon Polis Şöbəsində araşdırma aparılır.