Zaqatalada yol qəzası olub, xəsarət alan var - YENİLƏNİB

Zaqatalada baş verən yol-nəqliyyat hadisəsində xəsarət alan şəxsin vəziyyəti açıqlanıb.

Bu barədə Zaqatala Rayon Mərkəzi Xəstəxanasından (RMX) məlumat verilib.

Bildirilib ki, Zaqatala rayonu Yuxarı Tala kəndi ərazisində baş vermiş yol-nəqliyyat hadisəsi nəticəsində xəsarət alan 2002-ci il təvəllüdlü şəxs (kişi) Zaqatala RMX-nin II Təcili tibbi yardım şöbəsinə hospitalizasiya olunub:

"Başın tüklü hissəsinin açıq yarası diaqnozu təyin edilən şəxsə zəruri tibbi xidmət göstərilib, vəziyyəti qənaətbəxş qiymətləndirildiyindən səhər saatlarında ambulator müalicə üçün evə buraxılıb"./oxu.az

***10:36

Zaqatalada yol qəzası baş verib.

Avtosfer.az apa-ya istinadən xəbər verir ki, hadisə ötən gün axşam saatlarında rayonun Yuxarı Tala kəndi ərazisində qeydə alınıb. 2002-ci il təvəllüdlü Səbuhi Abdurahmanovun idarə etdiyi “VAZ 2109” markalı avtomobil idarəetmədən çıxaraq yol kənarındakı çuxura düşüb. Qəza zamanı sürücü xəsarət alaraq Zaqatala Rayon Mərkəzi Xəstəxanasına (RMX) yerləşdirilib, vəziyyəti orta-ağır qiymətləndirilir.
Faktla bağlı Zaqatala rayon Polis Şöbəsində araşdırma aparılır.