Yolları palçıq bağlayan sakinlər - Bellə təmizləyib hərəkət edirlər - VİDEO

Saatlı rayonunda bir sıra kəndlərə gedən avtomobil yollarının yararsız vəziyyətdə olması kənd sakinləri üçün problemlər yaradır. Avtosfer.az xəbər verir ki, bu barədə videogörüntü paylaşılıb.

Qeyd olunub ki, uzun illərdir əsaslı təmir olunmayan bu yollar xüsusilə payız-qış aylarında, demək olar ki, keçilməz hala düşür. Yolun dağılmış olması nəqliyyatın hərəkətini çətinləşdirir, təcili tibbi yardım və digər xidmətlərin kəndlərə vaxtında çatmasına mane olur. Palçıq, çuxurlar və asfalt örtüyünün olmaması səbəbindən avtomobillər tez-tez sıradan çıxır. 

"Yollarımız yararsız vəziyyətdədir. Uşaqlarımız məktəbə gedə bilmirlər. Bu vəziyyətdə yolla uşağı valideyn ya çiynində, ya da maşınında aparmalıdır. Neçə ildir bu yollar bu vəziyyətdədir, amma baxan, tədbir görən yoxdur. Özümüz birtəhər vəziyyətdən çıxmağa çalışırıq", - deyə kənd sakini bildirib.

Pedalların yerini səhv salan yaşlı qadın 7 avtomobilə zərər vurdu – 4 nəfər xəsarət aldı - VİDEO

Saatlı rayonu Orta Muğan bələdiyyəsinin sədri Əli Əsgərli bildirib ki, sözügedən yol Nabatkənd kəndinə gedən yoldur.

"Bu yolda vəziyyətin çətin olmasından xəbərimiz var. Kənd yollarında yağıntılı havalarda müəyyən çətinliklər yaranır. Amma bu yollardakı problemi aradan qaldırmaq üçün bələdiyyə tərəfindən müvafiq layihə hazırlanıb. Həmin layihəyə əsasən, Nabatkənd kəndinə gedən yolun bərpa olunması 2026-cı ilin aprel-may aylarına nəzərdə tutulub. Çünki havaların yağıntılı olduğu vaxtda müntəzəm işlər görmək mümkün deyil. May ayının sonuna kimi yol normal şəkildə sakinlərin ixtiyarında olacaq", - deyə Ə.Əsgərli bildirib (Oxu.az).