Bu vəziyyətdə ötmə olarmı? - DOĞRU CAVAB

Avtosfer.az ötən həftənin sualının doğru cavabını və ilk doğru cavab verib qalib gəlmiş şəxsin kimliyini açıqlayır. Yol hərəkətinə dair biliklərini sınamaq istəyənlər üçün budəfəki sualımız ötmə qaydaları ilə bağlıdır. Yol hərəkəti üzrə ekspert Ərşad Hüseynov tərəfindən hazırlanan sual belədir:

Bu vəziyyətdə ötmə olarmı? 

A) Hər bir halda olmaz;

B) Əgər yolayrıcında kəsişən yolda və ya qarşıdan gələn istiqamətdə başqa nəqliyyat vasitəsi varsa, olmaz;

C) Əgər yolayrıcında kəsişən yolda və ya qarşıdan gələn istiqamətdə başqa nəqliyyat vasitəsi yoxdursa, olar.

Sualın doğru cavabı belədir: “Yol hərəkəti haqqında” Qanunun 51-ci maddəsinin V hissəsinin 1-ci bəndinə əsasən, eyni əhəmiyyətli yolların kəsişdiyi nizamlanmayan yolayrıcında ötmə qadağandır. Deməli, sualın doğru cavabı “A” variantı olacaq: Bu vəziyyətdə hər bir halda ötmə olmaz. 

Suala ilk doğru cavabı Füzuli adlı oxucumuz verib. Onu təbrik edirik. Avtosfer.az-dan yol hərəkəti üzrə ekspert, hüquqşünas Ərşad Hüseynovun «Yol hərəkəti haqqında» Qanunun kommentariyası kitabını hədiyyə olaraq əldə etmək üçün 012 510 24 19 nömrəsinə zəng etmək xahiş olunur.

Öyrənək, öyrədək!

Avtosfer.az