Bu yolayrıcında sağa dönən sürücü nə etməlidir? - DOĞRU CAVAB

Avtosfer.az ötən həftənin sualının doğru cavabını və ilk doğru cavab verib qalib gəlmiş şəxsin kimliyini açıqlayır. Yol hərəkətinə dair biliklərini sınamaq istəyənlər üçün budəfəki sualımız yolayrıcını keçmə qaydaları ilə bağlıdır. Yol hərəkəti üzrə ekspert Ərşad Hüseynov tərəfindən hazırlanan sual belədir:

Bu yolayrıcında sağa dönən sürücü nə etməlidir?

A) Qarşıdan gələrək sola dönən avtomobilə yol verdikdən sonra dönməlidir;

B) Yolayrıcını ilk olaraq keçməlidir;

C) Qarşılıqlı razılaşmaya əsasən qarşıdan gələrək sola dönən sürücü güzəşt edərsə, yolayrıcını ilk olaraq keçməlidir.

Sualın doğru cavabı belədir: “Yol hərəkəti haqqında” Konvensiyanın 5-ci maddəsinin 2-ci hissəsində deyilir ki, işıq yol siqnallarının (yəni svetoforların) göstərişləri üstün hərəkət yolu hüququnu müəyyənləşdirən yol nişanlarının (yəni üstünlük nişanlarının) göstərişlərindən üstündür. “Yol hərəkəti haqqında” Qanunun 75-77-ci madələrini də təfsir etdikdə eyni nəticə çıxır. Qanunun 76-cı maddəsinin I hissəsinə əsasən, relssiz nəqliyyat vasitəsinin sürücüsü svetoforun yaşıl işığında sola və ya geriyə dönərkən, qarşıdan düzünə və ya sağa gedən nəqliyyat vasitələrinə yol verməlidir. Deməli, sualın doğru cavabı “B” variantı olacaq: Bu yolayrıcında sağa dönən sürücü yolayrıcını ilk olaraq keçməlidir.

Suala ilk doğru cavabı Cəlal adlı oxucumuz verib. Onu təbrik edirik.

Sualın sponsoru olan 188 evakuasiya və yükdaşıma xidmətindən hədiyyə kartını əldə etmək üçün 050 252 77 07 nömrəsinə zəng etmək xahiş olunur.

"ELİNOX" soyuducu vitrinlər və mətbəx avadanlıqlarından da hədiyyəni əldə etmək üçün 055 711 00 85 nömrəsinə gəng etmək lazımdır.

188 haqqında;

Biz nə bacarırıq?

- İri əşyaların yığılması və sökülməsi

- Yükün nəqliyyat qablaşdırması

- Mərtəbəyə qaldırma və pilləkənlə endirmə

- İstənilən mürəkkəblik dərəcəsinə malik yükləmə işləri

- Yükün avtomobildə bərkidilməsi

- Mebelin yerləşdirilməsi

- Nəqliyyat texnikasının idarə olunması

 - Daşınan bütün yüklər sığortalanır

188-ə zəng etmək kifayətdir.

Öyrənək, öyrədək!

Avtosfer.az