“Formula 1”: “Mercedes AMG” yeni bolidini təqdim etdi – FOTO

Fevralın 23-də Silverstounda (Britaniya) “Mercedes AMG” yeni W08 avtomobilini təqdim etdi. Avtosfer.az oxu.az-a istinadən xəbər verir ki, təqdimatda Almaniyanın pilotları Lyuis Hemilton və Valtteri Bottas, eləcə də komandanın icraçı direktoru Toto Volff iştirak ediblər. Rəsmi mərasimə qədər Hemilton nəm trasda bir neçə dövrə vurub. Daha sonra Toto Volff, Lyuis Hemilton və Valtteri Bottas avtomobili azarkeşlərə təqdim ediblər. Fevralın 27-də Barselonada mövsüm öncəsi sınaq çıxışlarının ilk seriyası start götürəcək. Bu mərhələ martın 2-nə qədər davam edəcək. Sınaqların ikinci seriyası 7-10 mart tarixlərində baş tutacaq. “Formula 1”-in yeni mövsümü Avstraliyada start götürəcək.