Formula-1 metronun hərəkət qrafikini dəyişəcək? - AÇIQLAMA

“İyun 19-da Azərbaycanda ilk dəfə təşkil olunacaq “Formula 1” yarışı zamanı metronun iş qrafikində dəyişiklik hələlik müəyyən olunmayıb”. Bunu cebhe.info-ya açıqlamasında Bakı Metropoliteninin mətbuat xidmətinin rəhbəri Nəsimi Paşayev deyib. Qurum rəsmisi bildirib ki, I Avropa Oyunlarının açılış və bağlanış mərasimləri metro stansiyalarına yaxın ərazidə olduğundan və gec saatlarda bitdiyi üçün metronun iş qrafikində dəyişiklik olunmuşdu: “O vaxtı əsas məqsədimiz Olimpiya stadionundan çıxan sərnişinləri rahat daşımaq idi. Hələ ki, “Formula 1” yarışları ilə bağlı quruma müraciət daxil olmayıb. Yarışın hansı saatda başlaması və bitməsi, həmçinin həmin vaxtda metronun iş qrafikini artırmaq lazımdır ya yox, bunlar hələ ki, müəyyən olunmayıb”.