Formula 1: Qalmaqallı keçid reallaşdı

FİA-nın istefaya göndərilən texniki nümayəndəsi Marçin Budkovskinin yeni iş yeri müəyyənləşib. Avtosfer.az goal.az-a istinadən xəbər verir ki, "Renault" komandası polşalı mütəxəssisin komandada icraçı direktor vəzifəsini icra edəcəyini açıqlayıb. O, şassinin hazırlanmasından istehsalına qədər bütün proseslərə nəzarət edəcək. Xatırladaq ki, Marçin Budkovski FİA-dan 10 gün əvvəl istefaya göndərilib. Daha sonra onun "Renault"a keçməsi barədə şayiələr yayılmağa başlamışdı. Bu keçid Budkovskinin komandaların bütün sirlərinə bələd olması səbəbindən rəqib komandalar tərəfindən ciddi tənqidlə qarşılanmışdı.